بریکنگ نیوز
Rana Ejaz
Apr 08 2025
6لاہور(سٹاف رپورٹر)وزیر اطلاعات پنجاب عظمیٰ بخاری نے کہا کہ پنجاب پولیس نے بانی پی ٹی آئی کی بہنوں سمیت کسی خاتون کو گرفتار نہیں کیا۔وزیراطلاعات پنجاب عظمیٰ بخاری کا کہنا تھا کہ علیمہ خان اور اس کے ساتھی خود پولیس وین میں بیٹھے اور خود ہی سروس سٹیشن پر اتر گئے، بشری بی بی جیل میں بی کلاس ملنے کے باوجود بہترین سہولیات مانگ رہی ہے۔عظمیٰ بخاری نے کہا کہ سوشل میڈیا اور فوٹیج کے ذریعے عوام کے سامنے اس "ڈرامہ بازی" کی حقیقت کھل کر سامنے آچکی ہے، فسادی ٹولے کا یہ سب کچھ بانی پی ٹی آئی سے جھوٹی ہمدردیاں سمیٹنے کیلئے ایک فلاپ شو تھا۔وزیراطلاعات پنجاب نے کہا کہ سابق خاتون اول بشری بی بی نے جیل میں بی کلاس کی سہولیات کے باوجود مزید سہولتوں کا مطالبہ کیا ہے، بانی پی ٹی آئی شاہانہ انداز میں جیل کاٹ رہے ہیں۔عظمیٰ بخاری کا کہنا تھا کہ تحریک انصاف کے کارکن خود اپنی قیادت کی فسادی سیاست سے تنگ آچکے ہیں، ایک طرف معافیاں مانگتے ہیں، دوسری طرف سازشیں کرتے ہیں۔انہوں نے کہا کہ پہلے کارکن سڑکوں پر ذلیل ہوتے تھے جبکہ لیڈرشپ انقلاب فرام ہوم لاتی تھی، مگر اب یہ سلسلہ ختم ہو چکا ہے۔
Leave a Reply
Cancel Replyمتعلقہ خبریں۔
VOTE FOR CHAMPION
آپ کو صدے باب نیوز چینل کیسا لگتا ہے؟
88%
4%
8%
0%
0%
0%
