پاکستان

گورو آریا کا ایرانی وزیر خارجہ کو گالی دینے اور توہین پر ایرانی سفارتخانے کا سخت ردعمل

بھارت میں ایران کے سفارتخانے نے سابق بھارتی فوجی گورو آریا کی جانب سے وزیر خارجہ عباس عراقچی کو گالی دینے پر سخت ردعمل کا اظہار کیا ہے۔

پاکستان مخالف سابق بھارتی فوجی گورو آریا نے ٹی وی پر ایرانی وزیر خارجہ کو نہ صرف گالی دی بلکہ توہین کا بھی نشانہ بنایا۔

https://twitter.com/i/status/1921154462086815989

ٹی وی پروگرام میں گورو آریا نے ایرانی وزیر خارجہ عباس عراقچی اور بھارتی وزیر خارجہ کی تصویر پر تبصرہ کیا کہ ’عراقچی اس کا نام ہے، پاکستان میں تھا وہاں ٹاپ لیڈر شپ سے ملا بشمول وزیراعظم شہباز شریف، اب یہ آگیا بھارت‘۔

انتہاپسند سابق بھارتی فوجی نے نا صرف ایرانی وزیر خارجہ کی تصویر کو مارک کیا بلکہ اس پر انگلش میں ’س*ر‘ لکھا اور کہا کہ ’اس آدمی کو اس ’س*ر کی اولاد' کو اس ’س*ر‘ کو تب آنا تھا جب پہلگام حملہ ہوا، اس کو آکر جے شنکر کو ملنا تھا اور بولنا تھا کہ ڈاکٹر جے شنکر ایران آپ کے ساتھ کھڑا ہوا ہے لیکن نہیں‘۔

دوسری جانب دہلی میں ایرانی سفارتخانے نے سابق بھارتی فوجی کے عمل پر ردعمل میں کہا کہ مہمانوں کی عزت اور احترام ایران کی ثقافت کا حصہ ہے اور ہم ایرانی مہمان کو اللہ کی رحمت سمجھتے ہیں، لیکن اپنے بارے میں کیا خیال ہے؟

دوسری جانب ایرانی عوام اس توہین پر شدید مشتعل ہیں اور سوشل میڈیا صارفین نے بھارت کو تنقید کا نشانہ بناتے ہوئے بھارتی حکومت سے کارروائی کا مطالبہ کیا۔