بھارت نے پاکستان کو 6وکٹوں سے شکست دیدی،چیمپئنز ٹرافی میں شاہینوں کا سفر تمام

 کلدیپ یادیو نے 3، ہاردک پانڈیا نے 2، رویندرا جڈیجا، ہرشیت رانا اور اکشر پٹیل نے شاہین کو''اُڑایا''،ویرات کوہلی کی شاندار سنچری

رضوان اور سعود شکیل کی 103رنز کی پارٹنر شپ،بابر اعظم پھر فیل،شاہین آفریدی اور نسیم شاہ بھی ناکام،حارث رؤف بھی کچھ نہ کر سکے،امام الحق نے بھی سکور نہ کرنے کی روایت نہ توڑی

پاکستانی ٹیم 49.4اوورز میں 241رنز پر ڈھیر،سلمان علی آغا19رنز ہی بنا سکے،خوشدلکے 38رنز،بھارتی ٹیم نے ہدف42.3اوورز میں 4وکٹوں کے نقصان پر حاصل کرلیا

دبئی(مانیٹرنگ ڈیسک)آئی سی سی چیمپئنز ٹرافی کے ہائی وولٹیج ٹاکرے میں بھارت نے پاکستان کو 6 وکٹوں سے شکست دیدی۔بھارت نے 223رنز کے ہدف 4وکٹوں کے نقصان پر 42.3اوورز میں حاصل کرلیا، بھارت کی جانب سے ویرات کوہلی 100سکور کیساتھ ناقابل شکست رہے۔قبل ازیں دبئی کرکٹ سٹیڈیم میں کھیلے جارہے میچ میں پاکستان نے ٹاس جیت کر پہلے بیٹنگ کا فیصلہ کیا اور 49.4اوورز میں پوری ٹیم 241رنزبناکر آٹ ہوگئی۔پاکستان کی جانب سے بابراعظم اور امام الحق نے کھیل کا آغاز کیا لیکن آج بھی بابر خاطر خواہ کارکردگی نہ دکھا سکے اور 26گیندوں پر محض 23رنز بنا کر پویلین لوٹ گئے، پاکستان کی دوسری وکٹ 47رنز پر گری جب امام الحق رن آؤٹ ہوئے۔تیسری وکٹ پر محمد رضوان اور سعود شکیل نے 103رنز کی شراکت قائم کی، محمد رضوان 46اور سعود شکیل 62رنز بناکر آؤٹ ہوگئے، طیب طاہر صرف 4رنز بناکر پویلین لوٹ گئے۔پاکستان کی چھٹی وکٹ 200کے مجموعی سکور پر گری جب سلمان علی آغا 19رنز بنا کر کیچ تھما بیٹھے جبکہ اگلی ہی گیند پر شاہین شاہ آفریدی بغیر کوئی سکور بنائے چلتے بنے، نسیم شاہ 14رنز بناکر آٹ ہوئے، حارث رؤف 8 سکور بناکر رن آؤٹ ہوگئے جبکہ خوشدل شاہ 38رنز بناکر آٹ ہوئے۔بھارت کی جانب سے کلدیپ یادو نے 3، ہاردک پانڈیا نے 2، رویندرا جڈیجا، ہرشیت رانا اور اکشر پٹیل نے ایک، ایک وکٹ حاصل کی۔