مریم نواز نے سیاحت کا خزانہ کھول دیا

مریم نوازنے صوبے کے170 سیاحتی مقامات اور ٹریلز کی تعمیر و مرمت اوربحالی کی اصولی منظوری دیدی
 چھانگا مانگا فارسٹ پارک اور لال سوہانرا نیشنل پارک کو ایکو ٹورازم کے فروغ کیلئے ڈویلپ کرنے پر اتفاق ، پنجاب ٹورازم اینڈ ہیریٹیج اتھارٹی ایکٹ 2025ء پیش 
پٹیاں۔۔۔۔۔۔۔۔
لاہور، ملتان، بہاولپور، چکوال اور جہلم سمیت مختلف شہروں میں ٹورازم سائٹس کو ڈویلپ کیا جائیگا،سیاحوں کیلئے ٹورسٹ ویلج بھی بنائے جائیں گے
 پنجاب کے سیاحت سے متعلق تمام تر فیچرز ایپ میں شامل، چیٹ بوٹ سے مفید معلومات،ٹریول وزٹ ،ہوٹل بکنگ ، فوڈ پانڈا اور دیگر سروسز حاصل کی جا سکیں گی
 پنجاب میں عالمی سیاحت کے فروغ کی بنیاد رکھ رہے ہیں،تمام سیاحتی مقامات کو عالمی معیار کے مطابق بنانے چاہتے ہیں'مریم نوازشریف 

 لاہور ( این این آئی)وزیراعلیٰ پنجاب مریم نوازشریف نے صوبے کے 170 سیاحتی مقامات اور ٹریلز کی تعمیر و مرمت اوربحالی کی اصولی منظوری دے دی۔وزیراعلیٰ مریم نوازشریف نے پنجاب کی پہلی ٹورازم اینڈ ہیر یٹیج اتھارٹی کی اصولی منظوری بھی دے دی۔ وزیراعلیٰ مریم نوازشریف کی زیر صدارت خصوصی اجلاس منعقد ہوا۔ لاہور، ملتان، بہاولپور، چکوال اور جہلم سمیت مختلف شہروں میں ٹورازم سائٹس کو ڈویلپ کیا جائے گا۔ اجلاس میں چھانگا مانگا فارسٹ پارک اور لال سوہانرا نیشنل پارک کو ایکو ٹورازم کے فروغ کے لئے ڈویلپ کرنے پر اتفاق کیا گیا۔ اجلاس میں اس امر پر بھی اتفاق کیا گیا کہ سیاحت کے فروغ کے لئے گورننس کی بہتری کے لئے پنجاب ٹورازم اینڈ ہیریٹیج اتھارٹی ایکٹ 2025ء پیش کیا جائے گا۔ اجلاس کو بریفنگ میں بتایا گیا کہ پنجاب کی پہلی مکمل ٹورازم میگنی فیسینٹ ایپ تیار کر لی گئی، ایپ کا جلد آغاز کر دیا جائے گا۔ میگنی فیسینٹ ایپ کے ذریعے 170 سیاحتی مقامات کی ورچوئل سیر کی جا سکے گی۔ پہلی ٹورازم ایپ میگنی فیسینٹ پنجاب میں سیاحت سے متعلق تمام تر فیچرز شامل ہیں۔ میگنی فیسینٹ ایپ کے ذریعے ٹریول وزٹ اور ہوٹل بکنگ بھی کی جا سکے گی۔ میگنی فیسینٹ ایپ کے ذریعے فوڈ پانڈا اور دیگر سروسز بھی حاصل کی جا سکیں گی۔ میگنی فیسینٹ ایپ پر چیٹ بوٹ سے مفید معلومات بھی حاصل کی جا سکیں گی۔ وزیراعلیٰ مریم نوازشریف نے پنجاب کے سب سے بڑے اور جامع ٹورازم پلان کی بھی اصولی منظوری دے دی ۔ٹورازم پلان کے تحت پنجاب بھر میں مذہبی،تاریخی، قدیمی ورثہ، اثار قدیمہ اور ایکوٹورازم کو فروغ دیا جائے گا۔ قدیمی تہذیب سے قربت کا احساس دلانے کے لئے سیاحوں کے لئے ٹورسٹ ویلج بھی بنائے جائیں گے۔ پنجاب میں پہلی مرتبہ ٹورازم ٹریل بھی تیار کی جائیں گی۔ ڈسٹرکٹ مال روڈ،والڈ سٹی آف لاہور، سکھ سائٹ، جی ٹی روڈ کی مغل یادگاریں بھی سیاحتی ٹریل میں شامل ہیں۔ سالٹ رینج، بھاٹی گیٹ، ٹیکسالی گیٹ، گوجرانوالہ، ایمن آباد سکھ ٹورازم ٹریل بھی قائم کی جائیں گی۔ مختلف شہروں کے سیاحتی مقامات کو ٹورازم کلسٹرکے طور پر ڈویلپ کیا جائے گا۔ گندھار تہذیب سے متعلق گندھار ٹریل میں ٹیکسلا میوزیم، دھر ما راچی کا، جو لیاں، سرکیپ اور گری قلعہ بھی ٹورازم پلان میں شامل ہے۔ ملتان کی لیونگ ہیر یٹیج سائٹ قلعہ کہنہ قاسم باغ کو وادی سندھ کی تہذیب کے نشان کے طور بحال کیا جائے گا۔ اُچ شریف میں زائرین کی سہولت کے لئے خصوصی ٹریل ڈویلپ کی جائے گی۔ فروغ سیاحت کے لئے گوردوارے اور گرجاگھروں کے قدیمی عمارتوں کو بھی بحال کرنے کی تجویز کا جائزہ لیا گیا۔ وزیراعلیٰ مریم نوازشریف نے کہا کہ پنجاب میں عالمی سیاحت کے فروغ کی بنیاد رکھ رہے ہیں۔تمام سیاحتی مقامات کو عالمی معیار کے مطابق بنانے چاہتے ہیں۔ٹیکسلا کو مکمل ٹورسٹ سائٹ بنایا جائے گا، فائیو سٹار ہوٹل بھی تعمیر کیا جائیگا۔وزیراعلیٰ مریم نوازشریف نے کہا کہ پوری توجہ پنجاب میں سیاحت کے فروغ پر مرکوز ہے، سیاحتی ہب بنائیں گے۔

 مریم نواز ہیلتھ کلینک۔۔۔۔پنجاب میں ہیلتھ کا نیا سنگ میل 

مریم نوازکی کاوش سے برسوں پرانے مراکز صحت کی حالت اور عوام کی تقدیر بدل گئی

 پنجاب کے دوردراز کے 750 مراکز صحت یورپی ممالک کے کلینک کامنظر پیش کرنے لگے

خستہ حال دروازے،ٹوٹا پھوٹا فرنیچر اور بوسیدہ عمارتیں جدید ترین مریم نوازہیلتھ کلینک میں بدل دی گئیں

لاہور (سٹاف رپورٹر)وزیراعلیٰ مریم نوازشریف کی کاوش سے برسوں پرانے مراکز صحت کی حالت اور عوام کی تقدیر بدل گئی۔ پنجاب کے دوردراز کے 750 مراکز صحت یورپی ممالک کے کلینک کامنظر پیش کرنے لگے۔ سٹیٹ آف آرٹ مریم نواز ہیلتھ کلینکس کے انتظامات  بھی ینگ ڈاکٹرز کے سپردِ کیے گئے ہیں۔ ریکارڈ مدت میں تعمیرات مکمل کی گئی اوربنیادی مراکز صحت کی بیرونی شکل بھی تبدیل کی گئی۔ خستہ حال دروازے،ٹوٹا پھوٹا فرنیچر اور بوسیدہ عمارتیں جدید ترین مریم نوازشریف ہیلتھ کلینک میں بدل دی گئیں ۔ سٹیٹ آف دی آرٹ مریم نواز ہیلتھ کلینک میں نیا فرنیچر،جدید ترین طبی آلات، سٹریچر،چمچماتے فرش،صاف ستھرے کمرے ،وارڈ اورنئے واش روم ہیلتھ کلینک کی زینت ہیں۔ ہرمرکز صحت میں صاف ستھری،نئی خوبصورت الماریاں،جدیدایل ای ڈی لائٹ اور نیم پلیٹ آویزاں کر دی گئی۔ سرگودھا کے علاقے پھلرواں کا بوسیدہ حال مرکز صحت تعمیرو بحالی کے بعد بالکل بدل گیا۔ ملتان کے نواحی قاسم بیلہ میں مرکز صحت کی تعمیرو مرمت مکمل ہونے سے مریض مستفید ہورہے ہیں۔ وہاڑی کے نواحی گاؤں 87ڈبلیو بی کا رورل ہیلتھ سینٹر میں شاندار کلینک قائم کر دیا گیا ہے۔ ڈسٹرکٹ اٹک کے علاقے باہترکا آرایچ سی بھی شاندار کلینک میں تبدیل ہوگیا۔ ضلع گجرات اورسیالکوٹ کے مراکز صحت کو مریم نواز ہیلتھ کلینک کی صورت دیکھ کر عوام انتہائی خوش ہیں۔ بھکر کے علاقے ڈگررہتاس کے مراکز صحت کی اندورنی اوربیرونی شکل تبدیل ہوگئی۔ وہاڑی کے علاقے اڈہ موچیاں والا میں قدیمی مرکز صحت نے شاندار مریم نواز ہیلتھ کلینک کی صورت اختیار کرلی ۔ ضلع خانیوال کے پرانے مراکز صحت کوبھی نئے مریم نوازہیلتھ کلینک میں بدل دیا گیا جس سے علاقے کے عوام میں خوشی کی لہر دوڑ گئی۔